AzerDict saytı elektron xidməti kateqoriyasında Milli Net 2010 - Milli İnternet Mükafatının qalibi oldu. Xatırladaq ki, 2009-cu ildə Azərbaycan İnternet Forumu tərəfindən təsis edilən bu peşəkar internet mükafatı hər il  sosial, mədəni, elmi,  iqtisadi, hüquqi və s. sahələrdə fəaliyyət göstərən, Azərbaycan dilində tərtib olunan və fəaliyyət göstərən  milli internet resurslarına və internet layihələrinə müsabiqə üsulu ilə təqdim edilir. 4 Dekabr tarixində Ambassador Otelində keçirilən qaliblərin təqdimat mərasimində 14 kateqoriya üzrə sayt qaliblərinə mükafatlar verildi. Milli Net Təşkilat Komitəsinə və münsiflərə bizə bu mükafatı layiq gördükləri üçün dərin minnətdarlığımızı bildiririk.