İstifadəçilərin rahatlığını təmin etmək məqsədilə lüğətə bir sıra yeni funksiyalar əlavə olunmuşdur. Bunlardan birincisi Google-dan bildiyimiz “Bunu demək istəyirsiniz?” (Did you mean) funksiyasıdır. Bu funksiyanın köməyi ilə AzerDict, səhv yazılan sözlərin düzgün variantlarını və ya axtarılan və tapılmayan sözlərin mövcud söz bazasındakı bənzər qarşılıqlarını göstərəcəkdir.
Bundan başqa, bir çox vulqar sözlərin azyaşlılara mənfi təsir edəcəyini və bəzi istifadəçilərin bu tip sözləri görmək istəməyəcəyini nəzərə alaraq “Qorumalı axtarış” (safesearch) xüsusiyyəti aktivləşdirilmişdir. Bu funksiya ilə vulqar və kobud sözlərin göstərilib göstərilməməsini seçmək mümkündür. İstənilən vaxt bu seçim dəyişdirilə bilər.
Son olaraq istifadəçilərin daha sürətli və uyğun nəticə əldə etmələri üçün axtarış alqoritması inkişaf etdirilib optimizasiya işləri görülmüşdür.