AzerDict ingiliscə-azərbaycanca və orfoqrafiya lüğətlərinin Google Android əməliyyat57afa3726e sistemi üçün tətbiqi bu gün istifadəyə verildi. Rusca lüğət hələlik beta versiyasında olduğu üçün tətbiqin bu versiyasına (1.0) daxil edilməyib. Tətbiqi buradan pulsuz şəkildə əldə edərək 1.6 və üst versiyalı Android əməliyyat sisteminə quraşdıra bilərsiniz. Tətbiq Amid (Amidos) tərəfindən ərsəyə gətirilib.

İstifadə etmək üçün, tərcümə bölməsində sözü xanaya yazıb “Translate” düyməsinə basmaq lazımdır. Saytda olduğu kimi android tətbiqdə də hansı dildən tərcümə etdiyini tətbiq müəyyən edəcək. Hətta əgər tərcümə edilən söz hər iki dildə mövcuddursa bu zaman hər ikisi üçün nəticələr siyahıda görünəcək. Fərqi qarşısındakı bayraqlardan müəyyən edə bilərsiniz.

9068994fc5

Nəticələr siyahısında istədiyiniz sözün üzərində barmağınızı basıb saxlayın. Qarşınıza seçim menyusu çıxacaq. Buradan siz seçdiyiniz sözü tərcümə edə və ya başqa yerdə istifadə edə bilmək üçün kopyalaya bilərsiniz.

İstifadə haqqında daha ətraflı məlumatı aşağıdakı videodan izləyə bilərsiniz.

Göstərdiyi dəstəyə görə Amidə AzerDict adından dərin minnətdarlığımızı bildiririk. Tətbiqlə bağlı problemləri, sual və təkliflərinizi ona Tvitter vasitəsilə və ya şəxsi e-poçtu (amid.quliyev[at]gmail.com) vasitəsilə çatdıra bilərsiniz.